महिलांच्या सुरक्षेचा प्रश्न विविध कारणांनी सतत ऐरणीवर येत असतो. काही कॉलेजच्या विद्यार्थ्यांनी यासाठी 'हेल्पिंग हँड्स' हे अॅप्लिकेशन तयार केले आहे.
कौशल बाग, राहुल अहिरे, इशा अग्रवाल, पार्थ बापट, पवन अंबुरे या इंजिनीअरिंगच्या विद्यार्थ्यांनी हे अॅप तयार केले आहे. या अॅपमध्ये रजिस्ट्रेशन करण्यासाठी कुटुंबीयांपैकी ४ जणांचे मोबाईल नंबर व २ मित्रांचे नंबर द्यायचे आहेत. जेव्हा एखादी समस्या येईल, तेव्हा केवळ सेंड या ऑप्शनवर टच करून या सर्व नंबर्सवर किंवा सिलेक्ट केलेल्या नंबर्सवर मेसेज सेंड होईल. जेणेकरुन आपल्या जवळील व्यक्तींना संबंधित परिस्थितीची जाणीव होऊन मदत मिळू शकेल.
गाडी बंद पडली किंवा एखाद्या अज्ञात स्थळी हरवल्यास अशा अनेक समस्यांवर हे अॅप मदतशीर ठरणार आहे. या अॅपचे वैशिष्ट्य म्हणजे हे पूर्णतः ऑफलाइन असल्याने डेटा वापरावा लागत नाही. तसेच संपूर्ण भारतात हे अॅप उपयुक्त ठरु शकणार आहे. अॅपची साईझ ०.९१ एमबी इतकी कमी असल्याने मोबाईलमध्ये कमी स्पेस शिल्लक असली तरीदेखील ते इन्स्टॉल करता येणार आहे. शिवाय हे अॅप पूर्णतः ऑफलाइन असल्याने मोबाईलमधील कोणताही वैयक्तिक माहिती लीक होण्याचा धोकाही नाही. www.forceclose.org/helpinghands/download या लिंकवरुन हे अॅप डाऊनलोड करता येणार आहे.
मोबाइल अॅप डाउनलोड करा आणि राहा अपडेट