लहानपणापासून जमा झालेली चिल्लर पिगी बँकेत टाकायची सवय पालक आपल्या लहानग्यांना लावतात. छोट्या बँकेत हळूहळू जमा होणाऱ्या या रकमेचा भाव मंगळवार रात्रीपासून वधारला. सरकारच्या नोटबंदीमुळे ही सवय खूप महत्वाची आणि लकी ठरली आहे.
गुल्लकमध्ये जमवलेली रक्कम आज गुडलक घेऊन आली आहे. आपल्यामधील बऱ्याच जणांना छोटी मोठी रक्कम पिगी बँक मध्ये काढून ठेवायची सवय असते. मोदी सरकारनं अचानक मोठ्या नोटा रद्द करून नवीन चलन प्रस्थापित करण्याचा निर्णय घेतला आहे, या निर्णयामुळे बऱ्याच जणांना धक्का बसला आहे. परंतु, पिगी बँकमध्ये पैसे जमा करणाऱ्या सामान्य जनतेला मात्र आपल्या या सवयीवर समाधान व्यक्त होतंय.
अनेकांनी बुधवारी या पिगी बँक फोडल्या. त्यात टाकलेली एक, दोन, पाच, दहा रुपयांची नाणी.. शंभराच्या नोटा वापरण्याकडे त्यांचा कल आहे. दोन दिवस बँका बंद असल्यामुळे हा आपत्कालिन उपाय योजण्यात आला आहे. त्यातही गंमत अशी की अनेकांनी या बँकेत पाचशे वा हजारच्या काही नोटा कधी काळी टाकून ठेवल्या आहेत. आता त्या नोटा तत्काळ बँकेत जमा करण्यासाठीही या मंडळींची तारांबळ उडते आहे. म्हणूनच बुधवार, गुरुवार बँका बंद असल्या तरी घरातल्या या छोट्या बँका मात्र सताड उघडल्या गेल्या आहेत.
मोबाइल अॅप डाउनलोड करा आणि राहा अपडेट