सल्ला लाखमाेलाचा
अॅड. मृणालिनी देशमुख या सर्वोच्च न्यायालयात चालणाऱ्या कौटुंबिक दाव्यांच्या प्रकरणातील निष्णात वकील आहेत. आजच्या काळात महिलांना असलेले अधिकार अन् हक्क यावर त्यांनी प्रकाश टाकलाय...
महिलांनो, तुमची सुरक्षा अतिशय महत्त्वाची आहे. १०० आणि १०३ या नंबरवर तुम्ही मदत मागू शकता.
तुमच्यासमोर एखाद्यावर अत्याचार होत असेल तर त्यांना लागलीच मदतीचा हात द्या.
वडिलोपार्जित संपत्तीवर मुलांप्रमाणे मुलींचाही समान हक्क असतो. तो महिलांचा अधिकारच आहे.
आजच्या काळात प्रत्येक स्त्रीने आर्थिकरित्या सक्षम असणं गरजेचं आहे. तसंच तुमचे पती किंवा इतर तुमच्या उत्पन्नाची आर्थिक गुंतवणूक करत असतील तर त्याची माहिती तुम्हीही करुन घ्या.
अधिकार आणि हक्कांबरोबर देशाप्रती असलेली तुमची कर्तव्यदेखील जबाबदारीपूर्वक पार पाडा.
डॉ. प्राजक्ता गुप्ते या मुंबईतील एक नामांकित मानसोपचारतज्ज्ञ आहेत. सध्याच्या धकाधकीच्या आयुष्यात विविध भूमिका पार पाडताना महिलांनी मानसिक आरोग्य कसं जपावं याविषयी त्या टिप्स देतायत.
एकलकोंडे न राहता वेळात वेळ काढून आपल्या मैत्रिणींना, आप्तेष्टांना भेट द्या.
आठवड्यातून किमान दोन तास तरी स्वत:साठी काढा. यावेळेत करिअर, शिक्षण, तुम्हाला उपलब्ध असलेल्या संधी यांचा विचार करा.
आपल्या कामामधील सुधारणांचा अभ्यास करुन त्यानुरुप स्वत:मध्ये बदल घडवून आणा.
आपल्या उद्दीष्टांचं वेळोवेळी परीक्षण करा. ती उद्दीष्ट यशस्वीपणे गाठण्यासाठी याचा जरुर फायदा होईल.
एखादा छंद जरुर जोपासा. जेणेकरुन तुम्हाला आनंद मिळेल आणि तुमच्या मनावरील ताण हलका होण्यासही मदत होईल.
संकलन-शब्दुली कुलकर्णी
मोबाइल अॅप डाउनलोड करा आणि राहा अपडेट