मुंबई टाइम्स टीम मोबाइल हरवल्यानंतर डेटाचं काय होणार? हा प्रश्न आपल्यासमोर आ वासून उभा राहतो. हरवलेल्या फोनमधील डेटा नव्या फोनमध्ये लगेच घेता येऊ शकतो, हे फारच कमी जणांना माहीत असतं. तो डेटा कसा रिकव्हर केला जाऊ शकतो, याविषयी टिप्स... - अँड्रॉइड असो किंवा आयफोन कोणत्याही स्मार्टफोनमध्ये नवीन काँटॅक्टस सेव्ह करताना कायम तुमच्या गुगल आयडीवर सेव्ह करा. तुमचा स्मार्टफोन हरवल्यानंतर किंवा नवीन फोन घेतल्यानंतर दुसऱ्या स्मार्टफोनमध्ये गुगल अकाऊंट लॉग इन करु शकता. यामुळे गुगल आयडीवर सेव्ह झालेले सर्व काँटॅक्टस मिळू शकतात. - अँड्रॉइड युजर असाल तर तुमच्या फोनमधील अत्यावश्यक फोटोज आणि डॉक्युमेंट्स गुगल ड्राइव्हवर सेव्ह करा. ज्यामुळे तुमचा स्मार्टफोन हरवला तरीही गुगल ड्राइव्ह वरुन तुम्हाला तुमच्या अत्यावश्यक फाइल्स पुन्हा मिळू शकतात. - आयफोन युजर्स अत्यावश्यक फाइल्सचा बॅकअप आयक्लाऊडवर घेऊ शकतात. यामध्ये ५ जीबीपर्यंत फ्री स्टोरेज क्षमता आहे. - या दोन अॅप व्यतिरिक्त तुम्हाला असे अनेक अॅप्स प्ले स्टोअर आणि अॅपल अॅप्स स्टोअरमध्ये मिळतील. पण, असे थर्ड पार्टी अॅप्स न वापरता हे बिल्ट इन अॅप्स वापरणं जास्त योग्य ठरेल.
मोबाइल अॅप डाउनलोड करा आणि राहा अपडेट