अभ्यासात हुशार होते त्यामुळे सायन्सची निवड केली. परीक्षेत नेहमीच चांगले मार्कही मिळवत होते. पण तरीही सतत जाणवत होतं की, मी यात रमत नाही. काहीतरी नाविन्यपूर्ण, कलात्मक करायचं होतं. अभ्यास करताना हातात पेन घेतलं की कॅलिग्राफी करायचे, कागद दिसले की कात्री घेऊन त्यापासून सुंदर वस्तू बनवाव्याशा वाटायच्या आणि पेन्सिल दिसली की स्केचेस काढायचे. चित्रकलेकडेच आपला ओढा आहे, हे जेव्हा जाणवत गेलं, तेव्हा मात्र ठरवलं पेन, पेन्सिलचा वापर काहीतरी कलात्मक करण्यासाठी करायचा. सांगत होती कमर्शियल आर्टिस्ट पूनम पाटणकर.
↧